Jean Parent, nado en Tours o 23 de marzo de 1911 e finado en Suresnes o 15 de xuño de 1963, foi un enxeñeiro químico e numismático francés, presidente da Sociedade Francesa de Numismática entre 1963 e 1965.
Traxectoria
Jean Parent iniciou en 1934 os seus estudos de Química na Escola Nacional Superior de Química de París.[1]
Foi mobilizado durante a segunda guerra mundial co grao de subtenente de artillaría e resultou gravemente ferido na contenda o 5 de xuño de 1940, o que lle ocasionou unha incapacidade física parcial o resto da súa vida,[2] que non lle impediu o exercicio da súa profesión como enxeñeiro químico.[3]
Foi director xeral da compañía Centenaire-Blanzy.[1]
Parent morreu o 15 de xuño de 1968,[4] no hospital Foch, en Suresnes, aos 52 anos.[1]
Numismática
Paralelamente á súa actividade profesional, Parent amosou o seu interese pola numismática. En 1951 ingresou na Sociedade Francesa de Numismática como membro titular, e en 1963 accedeu á presidencia desta institución, cargo que ocupou ata 1965.[5][6]
En 1955 ingresou tamén, como membro correspondente estranxeiro, na Sociedade Real de Numismática de Bélxica.[4]
Notas
Véxase tamén
Bibliografía
