Javier de la Gándara

Biografía
Nacemento	(es) Javier de la Gándara Alonso 18 de febreiro de 1959 (65 anos) Vigo, España
Actividade
Ocupación	deportista
Deporte	vela

Javier de la Gándara Alonso, nado en Vigo o 18 de febreiro de 1959, é un regatista galego. Comezou a navegar en vela lixeira (nas clases Optimist, 420 e Moth Europa), e en wíndsurf (clase TDV), gañando catro campionatos de España (en 420 e TDV), antes de pasar á vela de cruceiro.

En 1988, gañou a Regata Ruta do Descubrimento co iate da clase Maxi "Fortuna". Co "Turismo Rías Baixas", da clase ORC 670, gañou o Trofeo Zegna (2004), o Trofeo S.A.R. Infanta Elena (2005), a Regata Rías Baixas-Martín Codax (2006) e o Trofeo Conde de Gondomar (2008).^[1]

Participou como patrón en dúas edicións da volta ao mundo a vela:

• Whitbread Round the World Race 1989-90. Coa "Fortuna Extra Lights" clasificouse en sétima posición.
• Whitbread Round the World Race 1993-94. Co "Galicia 93 Pescanova" clasificouse en quinta posición.

• Medalla de Prata de Galicia en 1995.
• Vigués distinguido en 2005.