Irmandade Xurídica Galega

Irmandade Xurídica Galega
Data de fundación21 de xuño de 2008
Na rede
https://galeguizargalicia.gal/irmandade-xuridica-galega/
[ editar datos en Wikidata ]

A Irmandade Xurídica Galega (IXUGA), é unha asociación creada en 2008 e composta por xuristas e funcionarios da administración de Xustiza que promove o desenvolvemento do galego no eido xudicial.[1]

Historia

A asociación constituíuse o 21 de xuño de 2008 a partir dunha xuntanza celebrada no mosteiro de Celanova. Nese momento, formaban parte dela, 22 xuristas (maxistrados, xuíces, fiscais e avogados) e 5 funcionarios xudiciais.[2]

En 2022, xunto coa Deputación e o Concello de Lugo, organizaron un acto no que se colocou, fronte aos Xulgados de Lugo, un monólito para conmemorar a primeira sentenza en galego, ditada polo TSXG o 27 de marzo de 1985.[1]

A súa XV Asemblea celebrouse en Santiago de Compostela, o 22 de xuño de 2024[3] e o presidente da asociación era Xaquín Monteagudo.[4]

Recoñecementos

En 2016, recibiu o Premio da Cultura Galega, no apartado de Lingua, pola súa contribución.[5]

Notas

  1. ↑ 1,0 1,1 Zapata, André S. (20 de agosto de 2022). "«Hai quen fala en galego na casa e cambia ao castelán cando declara ante un xuíz. Iso non ten por que ser así»". lavozdegalicia.es. Consultado o 21 de decembro de 2024. 
  2. ↑ "Somos". galeguizargalicia.gal. Consultado o 11 de decembro de 2024. 
  3. ↑ "XV Asemblea da Irmandade Xurídica Galega". galeguizargalicia.gal. 22 de xuño de 2024. Consultado o 21 de decembro de 2024. 
  4. ↑ Ocampo, Elena (7 de novembro de 2024). "A Irmandade Xurídica promoverá o galego entre as forzas de seguridade". farodevigo.es. Consultado o 21 de decembro de 2024. 
  5. ↑ "Premios da Cultura Galega 2016". cultura.gal. 2016. Consultado o 21 de decembro de 2024.