Howard Kenneth Weinman

Biografía
Nacemento	23 de xaneiro de 1901 Nova York, Estados Unidos de América
Morte	1 de marzo de 1976 (75 anos) Colchester, Estados Unidos de América
Lugar de sepultura	Cemiterio de Colchester, Vermont
Actividade
Ocupación	escultor, medallista
Empregador	Grand Central School of Art Grumman
Obra
Obras destacables (1936) Medio dólar do Tricentenario de Long Island
Familia
Cónxuxe	Elisabeth Stevenson Delano
Pais	Adolph Alexander Weinman   e Margaret Lucile Landman
Irmáns	Robert Weinman

Howard Kenneth Weinman, nado en Nova York o 23 de xaneiro de 1901 e finado en Colchester, Vermont, o 1 de marzo de 1976, foi un artista estadounidense.

Weinman, nado en Nova York en 1901, era fillo de Margaret Lucile Landman (1874-1958) e de Adolph Alexander Weinman (1870-1952),^[1][2] escultor e recoñecido deseñador de moedas estadounidenses.^[3] O irmán máis novo de Howard, Robert Alexander Weinman (1915-2003), foi tamén un destacado medallista.^[4][5]

Foi escultor e medallista, e exerceu como profesor na Grand Central School of Art de Nova York. Tamén traballou na compañía Grumman Aircraft Engine Corporation, de Long Island, entre 1952 e 1972.^[2]

Do mesmo xeito que o seu pai, Howard K. Weinman foi tamén deseñador de moedas; a el débeselle a creación do medio dólar conmemorativo do Tricentenario de Long Island,^[2] emitido pola Casa da Moeda dos Estados Unidos en 1936.^[6]

Howard K. Weinman finou o 1 de marzo de 1976, aos 75 anos,^[2] en Colchester, Vermont, e foi soterrado no cemiterio desa localidade.^[1]

• Smith, P. (2012). "Weinman, Howard K(enneth)". En American Numismatic Biographies. Páxina 440.