Para outras páxinas con títulos homónimos véxase:
Henrya.
Henrya é un xénero de plantas con flores pertencente á familia das acantáceas.[1]
Taxonomía
Descrición
O xénero foi descrito en 1845 por Christian Gottfried Daniel Nees von Esenbeck e Jeremy Bentham nun traballo publicado en The Botany of the Voyage of H.M.S. Sulphur.[2]
Etimoloxía
O nome do xénero é na honra de Aimé Constant Fidèle Henry (1801-1875), libreiro alemán de orixe francesa, membro da Academia Nacional de Ciencias Leopoldina.[3]
Sinómimos
Ademais de polo nome actualmente válido, o xénero coñeceuse tamén polos sinónimos:[1]
- Baillonacanthus Kuntze
- Solenoruellia Baill.
Especies
Recoñécense no xénero as seguintes tres especies:[1]
- Henrya insularis Nees (especie tipo)
- Henrya scorpioides (L.) Nees
- Henrya tuberculosperma T.F.Daniel
Características
As súas especies son herbas ou plantas sufruticosas, de até 1 m de alto; talos máis xoves cuadrangulares. Follas ovadas de 3 a 9 cm de longo e de 1,8 a 5,5 cm de ancho, co ápice agudo a acuminado, a base obtusa a aguda e as marxes enteiras. Inflorescencias en espigas densas ou laxas, terminais ou axilares, de 2 a 10 cm de longo, brácteas caulinares laxamente imbricadas; corola bilabiada, angostamente infundibuliforme, de 10 a 15 mm de longo, de cor de amarelo pálida a crema. Froitos claviformes.[2]
Área de distribución
A área de distribución nativa das especies do xénero esténdese desde Arizona a Centroamérica. Na actualidade atópanse en Costa Rica, O Salvador, Guatemala, Honduras, México, Nicaragua e Panamá.[1]
Notas
- ↑ 1,0 1,1 1,2 1,3 "Henrya Nees | Plants of the World Online | Kew Science". Plants of the World Online. Consultado o 21 de outubro de 2021.
- ↑ 2,0 2,1 "Henrya". Consultado o 21 de outubro de 2021.
- ↑ Quattrocchi, Umberto (2000): CRC World Dictionary of Plant Names, Volume II, D–L. Boca Raton, Florida: CRC Press. ISBN 978-0-8493-2676-9.
Véxase tamén
Outros artigos
Ligazóns externas
