Tralo Tour de Francia 2017, só en 37 das 101 edicións disputadas houbo representación de ciclistas galegos no Tour de Francia. A primeira delas foi no Tour de Francia 1949, cando o ponteareán Emilio Rodríguez foi seleccionado entre os 6 integrantes do equipo español, téndose que retirar na quinta etapa. Dende entón outros 10 corredores galegos participaron na carreira ciclista máis importante do mundo, salientando os resultados acadados por Óscar Pereiro e Vicente López Carril, que conseguiron rematar no podio final de París, en primeira e terceira posición, ademais de acadar vitorias de etapa. Outros ciclistas conseguiron rematar entre os 10 primeiros, como Álvaro Pino e Marcos Serrano, sendo tamén este último quen de gañar unha etapa.

De seguido amósase unha lista cos datos sobre os corredores, colocados segundo a posición acadada na súa mellor participación:

Óscar Pereiro (1977- ) competiu en 6 edicións do Tour de Francia, completando a proba en 4 ocasións, e rematando sempre entre os 10 primeiros clasificados. A súa mellor participación foi a do ano 2006, cando acadou a vitoria na clasificación xeral trala descualificación por dopaxe de Floyd Landis. En 2005 acadou a súa única vitoria de etapa, na localidade de Pau. Nese mesmo ano gañou o premio especial da combatividade.

Ciclista	2004	2005	2006	2007	2008	2009
Óscar Pereiro Sío[1]	10º	9º	1º	10º	Ab.	Ab.

Lenda: "-" Non participou. "Ab." Abandono da carreira.

• 1 vitoria de etapa (en 2005).^[2]

Vicente López Carril (1942-1980) competiu en 9 edicións do Tour de Francia, completando a proba en 8 ocasións, e rematando 5 veces entre os 10 primeiros clasificados. A súa mellor participación foi a do ano 1974, cando acadou o terceiro posto na clasificación xeral despois de ocupar o segundo posto durante varias xornadas. É o ciclista galego que máis etapas gañou na carreira francesa, con tres: 1 en 1973 en Niza, 1 en 1974 en Serre Chevalier e 1 en 1975 en Avoriaz.

Ciclista	1968	1969	1970	1971	1972	1973	1974	1975	1976	1977	1978	1979
Vicente López Carril[3]	23º	-	34º	10º	-	9º	3º	5º	10º	23º	-	Ab.

Lenda: "-" Non participou. "Ab." Abandono da carreira.

• 3 vitorias de etapa (1 en 1973, 1 en 1974 e 1 en 1975).^[4][5]

Álvaro Pino (1956- ) competiu en 5 edicións do Tour de Francia, completando a proba en 4 ocasións, e rematando 2 veces entre os 10 primeiros clasificados. As súas mellores participacións foron as dos anos 1986 e 1988, cando acadou o oitavo posto da clasificación xeral.

Ciclista	1985	1986	1987	1988	1989	1990
Álvaro Pino Couñago[6]	19º	8º	-	8º	16º	Ab.

Lenda: "-" Non participou. "Ab." Abandono da carreira.

Marcos Serrano (1972- ) competiu en 7 edicións do Tour de Francia, completando a proba en 6 ocasións, e rematando 1 vez entre os 10 primeiros clasificados. A súa mellor participación foi a do ano 2001, cando acadou o noveno posto da clasificación xeral. En 2005 acadou a súa única vitoria de etapa, na localidade de Mende.

Ciclista	1999	2000	2001	2002	2003	2004	2005
Marcos Serrano Rodríguez[7]	25º	Ab.	9º	33º	68º	54º	39º

Lenda: "-" Non participou. "Ab." Abandono da carreira.

• 1 vitoria de etapa (en 2005).^[8][9]

Jesús Blanco Villar (1962- ) competiu en 3 edicións do Tour de Francia, completando a proba en 2 ocasións.

Ciclista	1986	1987	1988
Jesús Blanco Villar[10]	25º	Ab.	35º

Lenda: "-" Non participou. "Ab." Abandono da carreira.

Emilio Rodríguez (1923-1984) competiu en 3 edicións do Tour de Francia, completando a proba en 1 ocasión.

Ciclista	1949	1950	1951	1952	1953	1954
Emilio Rodríguez Barros[11]	Ab.	-	Desc.	-	-	43º

Lenda: "-" Non participou. "Ab." Abandono da carreira.

Manuel Rodríguez (1926-1997) competiu en 2 edicións do Tour de Francia, completando a proba nas 2 ocasións.

Ciclista	1951	1952	1953	1954
Manuel Rodríguez Barros[12]	44º	-	-	45º

Lenda: "-" Non participou. "Ab." Abandono da carreira.

José Ángel Vidal (1969- ) competiu en 8 edicións do Tour de Francia, completando a proba en 7 ocasións, sempre dentro do equipo Kelme.

Ciclista	1995	1996	1997	1998	1999	2000	2001	2002
José Ángel Vidal Martínez[13]	93º	109º	77º	Ab.	101º	50º	86º	134º

Lenda: "-" Non participou. "Ab." Abandono da carreira.

Raúl Rey Fomosel (1936- ) competiu en 3 edicións do Tour de Francia, completando a proba en 1 ocasión.

Ciclista	1963	1964	1965
Raúl Rey Fomosel[14]	Ab.	Ab.	95º

Lenda: "-" Non participou. "Ab." Abandono da carreira.

José Manuel Oliveira (1967- ) competiu nunha edición do Tour de Francia, completando a proba.

Ciclista	1991
José Manuel Oliveira Boga[15]	148º

Lenda: "-" Non participou. "Ab." Abandono da carreira.

José Bernárdez Boluja (1935- ) competiu en 1 edición do Tour de Francia, sen rematar a proba.

Ciclista	1964
José Bernárdez Boluja[16]	Ab.

Lenda: "-" Non participou. "Ab." Abandono da carreira.

Edición	Galegos	Nomes
2009	1	Óscar Pereiro Sío [17]
2008	1	Óscar Pereiro Sío [18]
2007	1	Óscar Pereiro Sío [19]
2006	1	Óscar Pereiro Sío [20]
2005	2	Óscar Pereiro Sío, Marcos Serrano Rodríguez [21]
2004	2	Óscar Pereiro Sío, Marcos Serrano Rodríguez [22]
2003	1	Marcos Serrano Rodríguez [23]
2002	2	Marcos Serrano Rodríguez, José Ángel Vidal Martínez [24]
2001	2	Marcos Serrano Rodríguez, José Ángel Vidal Martínez [25]
2000	2	José Ángel Vidal Martínez, Marcos Serrano Rodríguez [26]
1999	2	Marcos Serrano Rodríguez, José Ángel Vidal Martínez [27]
1998	1	José Ángel Vidal Martínez [28]
1997	1	José Ángel Vidal Martínez [29]
1996	1	José Ángel Vidal Martínez [30]
1995	1	José Ángel Vidal Martínez [31]
1991	1	José Manuel Oliveira Boga [32]
1990	1	Álvaro Pino Couñago [33]
1989	1	Álvaro Pino Couñago [34]
1988	2	Álvaro Pino Couñago, Jesús Blanco Villar [35]
1987	1	Jesús Blanco Villar [36]
1986	2	Álvaro Pino Couñago, Jesús Blanco Villar [37]
1985	1	Álvaro Pino Couñago [38]
1979	1	Vicente López Carril [39]
1977	1	Vicente López Carril [40]
1976	1	Vicente López Carril [41]
1975	1	Vicente López Carril [42]
1974	1	Vicente López Carril [43]
1973	1	Vicente López Carril [44]
1971	1	Vicente López Carril [45]
1970	1	Vicente López Carril [46]
1968	1	Vicente López Carril [47]
1965	1	Raúl Rey Fomosel [48]
1964	2	José Bernárdez Boluja, Raúl Rey Fomosel [49]
1963	1	Raúl Rey Fomosel [50]
1954	2	Emilio Rodríguez Barros, Manuel Rodríguez Barros [51]
1951	2	Manuel Rodríguez Barros, Emilio Rodríguez Barros [52]
1949	1	Emilio Rodríguez Barros [53]

• Galegos na Vuelta a España
• Galegos no Giro de Italia