Fuco Gómez

Biografía
Nacemento	9 de xullo de 1895 Montaña de Agra, España
Morte	9 de xaneiro de 1972 (76 anos) A Habana, Cuba
Actividade
Ocupación	escritor, político

Francisco Gómez Gómez, coñecido como Fuco Gómez, nado en Montaña de Agra (Ouselle, Becerreá) o 9 de xullo de 1895 e finado na Habana o 9 de xaneiro de 1972, foi un escritor e político galego.

Residiu en Cuba, onde chegou en 1913, a maior parte da súa vida. Autodidacta, participou activamente en actividades políticas no seo da colonia galega e comezou a escribir en publicacións como Galicia, Heraldo de Galicia e Eco de Galicia defendendo a independencia de Galicia e a súa lingua. Tamén chegou a ser presidente da Sociedad de Instrucción de Becerreá y su Contorno. Participou na constitución das primeiras organizacións políticas galegas, como a Irmandade Galega da Habana en 1917, o Partido Autonomista Galego dous anos máis tarde, e ao ano seguinte a Xuntanza Nazonalista Galega d'Habana e o Comité Revoluzonareo Arredista Galego, de carácter independentista. Para a Xuntanza Nacionalista Galega dirixiu a revista Nós e a publicación Terra Gallega.

Durante a Segunda República volveu para Galiza en 1932 co obxectivo de defender o independentismo, mais cun rotundo fracaso, pois os galeguistas considerárono un aventureiro. Tamén se dedicou a recoller palabras e refráns populares. Publicou varios artigos en A Fouce. Regresou a Cuba en 1935.

Colaborou en Cultura Gallega e foi presidente da Institución Galega (Círculo Benéfico Cívico-Social) en 1940. Entre os anos 1941 e 1961 dirixiu a revista mensual Patria Galega. Fuco Gómez publicou case medio cento de obras.

• Grafía galega, 1926 (ensaio).^[1]
• Naciones Ibéricas, 1931.
• O idioma dos animás. Opúscaro de enxebreza, 1937 (novela).
• Pastorelas (poesía).
• Ensayos de Crítica e Historia de Galicia, 1960.

Wikimedia Commons ten máis contidos multimedia na categoría:  Fuco Gómez

• Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Martínez, Xurxo (2007). Fuco Gómez, persoeiro esquecido. Asociación Galega de Emigrantes Retornados. ISBN 978-84-612-0267-6. 
• Pérez Leira, Lois (2009). Protagonistas de una epopeya colectiva (en castelán) (2ª ed.). Vigo: Grupo de Comunicación Galicia en el Mundo. ISBN 978-84-936759-8-1. 
• Fernández del Riego, F. (1992) [1990]. Diccionario de escritores en lingua galega (2ª ed.). Do Castro. ISBN 84-7492-465-0. 
• Vilavedra, Dolores, ed. (1995). Diccionario da literatura galega. Autores I. Vigo: Editorial Galaxia. ISBN 84-8288-019-5. 

• Fuco Gómez: nacionalismo e humanismo. Ideario dun arredista Arquivado 30 de maio de 2020 en Wayback Machine.
• Biografía na Enciclopedia da Emigración Galega