Francisco Sánchez García

Modelo:BiografíaFrancisco Sánchez García

Editar o valor en Wikidata
Biografía
Nacemento18 de xaneiro de 1874 Editar o valor en Wikidata
Curtis, España Editar o valor en Wikidata
Morte1 de xaneiro de 1939 Editar o valor en Wikidata (64 anos)
Santiago de Compostela, España Editar o valor en Wikidata
Actividade
Ocupaciónxornalista, escritor Editar o valor en Wikidata
Membro de
Pseudónimo literarioAntón de Pepiño Editar o valor en Wikidata
BNE: XX4614121 BUSC: sanchez-garcia-francisco-1876-1939

Francisco Antonio Sánchez García, coñecido como Antón de Pepiño, nado en Modillós (Curtis) o 18 de xaneiro de 1874 e finado en Santiago de Compostela o 1 de xaneiro de 1939,[1] foi un xornalista e escritor galego.

Traxectoria

Primeiro dos sete fillos de Antonio Sánchez Gómez e Antonia García Murujosa. Emigrou a Arxentina onde fixo fortuna e adquiriu formación. En Buenos Aires relacionouse cos intelectuais dos centros galegos, foi un dos fundadores de Caras y Caretas e colaborou en La Nación, La Prensa e Nova Galicia. O 11 de novembro de 1905 foi nomeado académico correspondente da Real Academia Galega. Regresou a Galicia e mercou as terras que estaban á venda en Teixeiro. Casou con Enriqueta García e instaláronse en Teixeiro. Foi correspondente de El Eco de Galicia, colaborou en El Ideal Gallego e na prensa española: El Debate, La Nación e ABC. Cando medraron as fillas trasladáronse a vivir a Santiago de Compostela para que puideran estudar carreiras universitarias. En Compostela relacionouse con Otero Pedrayo, Vicente Risco, Filgueira Valverde e Álvaro Cunqueiro. Colaborou en El Compostelano e en 1925 foi nomeado director de Diario de Galicia. Co golpe de Estado do 18 de xullo de 1936 afiliouse a Falange Española Tradicionalista y de las JONS e continuou coas súas colaboracións en El Compostelano agora centradas na promoción da Falange.

Obras

  • Obra escollida, 2005, Fundación Horrêum Fundazioa.
  • Obra escogida, 2007, Fundación Horrêum Fundazioa.

Recoñecementos

Letreiros das dúas rúas de Antón de Pepiño en Teixeiro.
Casa de Antón de Pepiño en Teixeiro.

O 11 de novembro de 2005 foi nomeado fillo predilecto do concello de Curtis.[2] Recibe o seu nome, en Teixeiro, a biblioteca pública municipal[3] e dúas rúas onde estaba a súa casa.

Vida persoal

Casou con Enriqueta García Rego o 24 de novembro de 1910, e tivo seis fillas e un fillo.

Notas

  1. ↑ El Compostelano, 2-1-1939, p. 2.
  2. ↑ "Caixa Galicia e o concello de Curtis presentan unha escolma inédita do escritor Antón de Pepiño". Europa Press. 13-2-2006. 
  3. ↑ "Resólvese a integración da Biblioteca Pública Municipal Antón de Pepiño de Curtis na Rede de bibliotecas de Galicia". Cultura de Galicia. 25 de abril de 2018. 

Véxase tamén

Bibliografía