Francisco Javier Lema Fuentes, coñecido como Chisco, nado en Corcubión en 1964, é un veterinario e político galego.
Traxectoria
Fillo de Carlos Lema Bermúdez, funcionario do concello de Corcubión. Veterinario de profesión e funcionario, foi xefe comarcal do Servizo de Sanidade Animal da Xunta de Galicia na área de Carballo.[1] Nas eleccións municipais de 2003 encabezou a candidatura da AVIC (Agrupación Veciñal Independente de Corcubión) á alcaldía de Corcubión, que foi a candidatura máis votada, e foi elixido alcalde grazas a un pacto co PSdeG-PSOE.[2] Nas municipais de 2007 encabezou a candidatura do PSdeG e foi a candidatura máis votada, porén non mantivo a alcaldía, dado a que o BNG se uniu co PPdeG. O 16 de abril de 2008 foi elixido alcalde como candidato da lista máis votada logo da renuncia de Rafael Mouzo e da ruptura do pacto de goberno entre BNG e PPdeG. Nas municipais de 2011 volveu encabeza-la candidatura do PSdeG e foi reelixido alcalde. Non se presentou á reelección en 2015 e foi subsituído polo tamén socialista Manuel Ínsua Ínsua.
Notas
- ↑ La Voz de Galicia, Carballo, 5-1-2001, p. 4.
- ↑ La Voz de Galicia, Carballo, 19-6-2003, p. 7.
Véxase tamén
Outros artigos
