Francisco Javier Comesaña

Biografía
Nacemento	1944 A Habana, Cuba
Morte	8 de abril de 2011 (66/67 anos) O Escorial, España
Actividade
Ocupación	médico, violinista
Familia
Pai	Francisco Comesaña Rendo

Francisco Javier Comesaña Concheiro, nado na Habana en 1944 e finado en El Escorial o 8 de abril de 2011^[1], foi un violinista galego.

Fillo de Francisco Comesaña Rendo, exiliado republicano en México, comezou os seus estudos musicais no Conservatorio Nacional de México. Continuou a súa formación no Conservatorio Chaikovsky de Moscova con Igor Bezrodny.

Entre 1974 e 2003 foi profesor da Orquestra Sinfónica de Radiotelevisión Española. Foi un dos integrantes do "Cuarteto Hispánico-Numen", co que estreou o Concerto para frauta e sexteto de corda de Cristóbal Halffter tocando cos Stradivarius da colección da Casa Real.

Actuou como solista con diferentes orquestras en España, México, Canadá e Rusia, entre as cales se atopa a Orquestra Filharmónica da Universidade Nacional de México, a Orquestra Sinfónica de Galicia e a Orquestra Sinfónica Portuguesa.

Estreou en España o Concerto número 2 e a Sonata de Dmitrii Shostakovich, o Concerto número 3 e o Concerto número 4 de A. Schnittke e o Offertorium de Sofiia Gubaidulina.

• Ha muerto Francisco Comesaña (en castelán)