Datos xerais
Localización xeográfica	Cabo Fisterra
Localización municipal	Fisterra, Provincia da Coruña
Construción	1853
Datos técnicos
Código internacional	D-1742
Descrición	Torre octogonal de perpiaño con balcón e casa
Altura sobre o nivel do mar	143 metros
Altura sobre o terreo	17 metros
Características	D B 5 seg.
Período	0,3 +4,7 = 5 seg.
Alcance	23 millas náuticas (43 km.)

O faro de Fisterra é un faro situado no cabo Fisterra construído en 1853.

A torre é de cantería e base octogonal, de 17 metros de alto cunha cornixa sobre a que se apoia a balconada. A bóveda ten unha lanterna poligonal. A súa luz, situada a 143 metros sobre o nivel do mar, acada máis das 23 millas náuticas. A constante néboa do inverno provocou que se lle engadise unha sirena en 1888, a Vaca de Fisterra, para avisar aos navegantes do perigo existente.

O feito de que esta punta fose o Finis Terrae para os antigos fixo que nacesen sobre ela unha serie de lendas. Malia a existencia do faro, a zona foi escenario de naufraxios, como en 1870, cando afundiu o Monitor Captain, levando 482 persoas da súa tripulación no suceso máis lutuoso desta costa.

• Pazos, Lino (2003). Faros de Galicia. Guías Galaxia. Editorial Galaxia. ISBN 84-8288-636-3. 
• Sánchez García, Jesús Ángel (2004). Faros de Galicia (en castelán). Fundación Caixa Galicia. ISBN 84-95491-38-9. 

• Lista de faros de Galicia
• Camiño dos Faros

• Mapa dos faros e balizas Autoridade Portuaria da Coruña.
• Listaxe de balizamentos das costas atlánticas españolas (en inglés)