O Extremadura Unión Deportiva foi un club de fútbol español da cidade de Almendralexo, na provincia de Badaxoz. Foi fundado en 2007 e xogou por última vez no grupo I da Primeira División RFEF.
Historia
O club foi fundado en 2007, cando o CF Extremadura estaba a piques de desaparecer. Comezou a súa andaina na derradeira división do fútbol extremeño, naquel entón a Primeira Rexional de Estremadura. Ao final da súa primeira tempada en competición logrou o seu obxectivo de ascender de categoría, ademais folgadamente, distanciando ao segundo clasificado en 11 puntos.
Na tempada 2008-2009 competiu na Rexional Preferente de Estremadura, onde fixo unha espectacular campaña, xa que, tres datas antes do remate do torneo logrou conseguir o campionato e ascender á Terceira División. Desde que comezase a competición, por setembro, o club azulgrana mantívose sempre en postos de liguiña de ascenso á Segunda División B Española. Ao terminar a campaña acabou en terceira posición con 79 puntos, meténdose así nos "play-off" de ascenso. Na primeira fase da liguiña eliminou o Novelda, sendo válido o gol de Neto en terreo valenciano tras o empate a cero da ida no Estadio Francisco de la Hera. A segunda fase da liguiña tamén tivo un final exitoso para os de Juan Marrero, que lograron pasar á terceira e última fase, ante o Mairena, cultivando un empate a dous no partido de volta tras o empate a cero en terreo estremeño. O último chanzo, correspondente á terceira fase de liguiña de ascenso, era o Atlético Mancha Real. O partido de ida tocou na casa, que a pesar do resultado, catro goles a dous, foi un partido enmarañado e difícil. Co empate a cero no partido de volta os azulgrana conseguiron o ascenso á Segunda División B española.
Tras moitas temporadas competindo e debido aos problemas económicos que arrastraba o club foi excluído da competición debido a unha incomparecencia por folga ante o Racing Club de Ferrol. O luns 28 de febreiro del 2022, Manuel Franganillo compareceu ante os medios comentando que o club desaparecía e era levado a liquidación.[1]
- Uniforme titular: Camiseta azulgrana, pantalón azul e medias azulgranas a raias horizontais.
- Uniforme alternativo: Camiseta branca, pantalóns verdes e medias verdes.
Estadio
Datos do club
Palmarés
Notas
Véxase tamén
Outros artigos
Ligazóns externas
