Evangelina Jaso González

Biografía
Nacemento	1909 Vigo, España
Morte	24 de abril de 1937 (27/28 anos) Tui, España
Causa da morte	pena de morte, ferida por arma de fogo
Familia
Pai	Enrique Jaso Paz
Irmáns	Enrique Jaso González

Evangelina Jaso González, nada en Vigo en 1909 e finada en Tui o 24 de abril de 1937, foi unha republicana galega.

Filla de Enrique Jaso Paz. Co golpe de Estado do 18 de xullo de 1936 o seu marido, José Alonso Martínez foi detido e executado así como o seu pai e o seu irmán Enrique Jaso González. Na Semana Santa de 1937 Evangelina ocultou na súa casa de Tui tres veciños do Porriño: os irmáns Eduardo e Rogelio Fernández Miniño e o sobriño de Eduardo, Herminio Saavedra. Sospeitando dela, un día ao mencer os falanxistas rodearon a casa e os agochados intentaron fuxir. Eduardo e Rogelio conseguírono, mentres Herminio torceu un pé ao caer e foi detido xunto con Evangelina. Foron xulgados e condenados a pena de morte. Foi executada na Alameda de Tui con Herminio Saavedra o 24 de abril de 1937. Eduardo e Rogelio foron asasinados meses despois.

• Marco, Aurora (2007). Dicionario de Mulleres Galegas. Edicións A Nosa Terra. p. 221. ISBN 978-84-8341-146-9. 
• Paz Antón, Xosé Ramón (2007). O Porriño 1936. Vigo: A Nosa Terra. pp. 168–169. ISBN 978-84-8341-157-5. 

• Marga do Val (20/9/2009). "Fulgor e morte de Evangelina Jaso". Tudensia.