Esta páxina ou sección está a editarse nestes intres. Para evitar posibles conflitos de edición, non edites esta páxina ou sección mentres vexas esta mensaxe. Revisa o historial de edicións para saber quen traballa nela. O usuario Xanetas (conversa · contribucións) realizou a última edición na páxina hai 2 días. O tempo máximo de presenza deste marcador é dun mes dende a última edición do usuario que o puxo; pasado ese tempo debe retirarse.

Eva Fernández

Biografía
Nacemento	1973 (51/52 anos) Ourense, España
Actividade
Ocupación	actriz, directora de cinema
Premios
(2003)  Premio Mestre Mateo á mellor interpretación feminina protagonista, premiado polo traballo As leis de Celavella

Eva María Fernández, nada en Ourense en 1973, é unha actriz galega.

Comezou a súa carreira interpretativa no mundo do teatro e tivo un papel na película arxentina Después de la tormenta, estreada en 1991. Entre 1995 e 2000 participou na serie de éxito da Televisión de Galicia Pratos combinados, onde interpretou a Rosalía, filla do protagonista, Miro Pereira. Dende 1999 formou parte do elenco doutra célebre serie da TVG, Mareas vivas, onde deu vida á mariñeira Rosa.^[1] Durante eses anos tivo pequenos papeis no cine, nos filmes A lingua das bolboretas, Lena e Ilegal.

En 2003 apareceu en varios episodios de Cuéntame cómo pasó, de Televisión Española, e en 2004 estreouse na TVG a serie As leis de Celavella, onde interpretou un dos papeis protagonistas, Matilde.^[1] Entre 2008 e 2015 fixo o papel de Maite en Padre Casares e traballou tamén nas series Luci e Vidago Palace, aparecendo ademais nun episodio de El Ministerio del tiempo. En 2018 traballou na aclamada serie de Antena 3 Fariña, baseada no libro homónimo do coruñés Nacho Carretero, poñéndose na pel de Esther Lago, segunda esposa do narcotraficante cambadés Laureano Oubiña.^[2]

Na primeira metade da década de 2020 tivo papeis nas series ambientadas en terras galegas Néboa, Auga seca e Rapa, así como no filme Cuñados e na súa secuela, +Cuñados.^[3]

• Después de la tormenta (1990), de Tristán Bauer. Como Nora.
• A lingua das bolboretas (1999), de José Luis Cuerda.
• Lena (2001), de Gonzalo Tapia. Como Cindy.
• Ilegal (2003), de Ignacio Vilar. Como Isabel.
• Rafael (2008), de Xavier Bermúdez. Como Amiga 1.
• Cuñados (2021), longametraxe de Toño López.
• +Cuñados (2024), longametraxe de Luis Avilés.

• Pratos combinados (1995-2000, TVG) como Rosalía Pereira Santos.
• El súper (1999, Telecinco) como Paqui.
• Policías, en el corazón de la calle (2001, Antena 3).
• Agente 700 (2001, TVE).
• Mareas vivas (2000-2002, TVG) como Rosa.
• Cuéntame como pasó (2003, TVE) como Conchi.
• As leis de Celavella (2004-2005, TVG) como Matilde.
• Padre Casares (2008-2015, TVG) como Maite Costas.
• Piratas (2011, Telecinco).
• Luci (2013-2015, TVG) como Sole.
• Vidago Palace (2017, RTP1-TVG). Como Xenoveva.
• El ministerio del tiempo (2017, TVE).
• Fariña (2018, Antena 3) como Esther Lago.
• Néboa (2020, TVE). Como Mara.
• Auga seca (2020-2021, TVG-RTP). Como Irene Saavedra.
• Rapa (2022-2024, Movistar Plus+). Como Dubra.
• Los Argonautas y la moneda de oro (2023, TVE). Como Helena.

Wikimedia Commons ten máis contidos multimedia na categoría:  Eva Fernández

• Consello da Cultura Galega

1. ↑ ^{1,0 1,1} "«A conexión entre os actores e a audiencia galega é moi real, de pel»". La Voz de Galicia (en castelán). 2 de agosto de 2022. Consultado o 29 de decembro de 2024. 
2. ↑ "¿Quién es quién en Fariña? Los actores frente a los personajes reales". El Mundo (en castelán). 10 de maio de 2018. Consultado o 30 de decembro de 2024. 
3. ↑ "Entrevista a Eva Fernández. Vuelve a brillar en la película "+Cuñados"" (en castelán). 23 de abril de 2024. Consultado o 30 de decembro de 2024.