Esposende
Igrexa de Santiago de Esposende.
Concello	Ribadavia[1]
Provincia	Ourense
Coordenadas	42°19′42″N 8°06′49″O / 42.32833056, -8.11368611
Poboación	40 hab. (2023)
Entidades de poboación	1[1]
[ editar datos en Wikidata ]

Santiago de Esposende é unha parroquia do concello de Ribadavia, na provincia de Ourense. Segundo o IGE,^[2] en 2023 tiña 40 habitantes (22 homes e 18 mulleres).

A parroquia é a máis setentrional do concello. Linda ao norte coa parroquia homónima de Esposende (no veciño municipio de Cenlle), ao leste e sur coa parroquia de Santo André de Campo Redondo, e ao oeste dá co río Avia, que constitúe fronteira natural co concello de Beade.

Segundo o Diccionario geográfico-estadístico-histórico de España y sus posesiones de Ultramar de Pascual Madoz^[3] (1842), Santiago de Esposende era unha freguesía do concello de Ribadavia no que vivían 84 persoas, das que só 19 tiñan o dereito de veciñanza. Os veciños vivían en unas veinte casas repartidas nos barrios de Eiroa, Quintas e Casas do Marco. Madoz dicía que de norte a sur a vila ocupaba 1/4 de legua (1,5 km aproximadamente). E de leste a oeste, outro tanto.

Destacábanse aspectos como que o cemiterio no ofende a la salud pública ou que os camiños son locales y generalmente en mal estado. O correo recibíase da capital do concello 3 veces á semana.

Era unha parroquia típica do rural da comarca. Producía trigo, millo, legumes, hortalizas, froitas de carabuña, liño e viño, do que xa Madoz nomea a súa calidade, chegando a dicir que saía viño desta parroquia cara a Santiago de Compostela, A Coruña e comarcas próximas de montaña.

• 
  Fachada da igrexa.
• 
  Sartego na igrexa.
• 
  Parte posterior da igrexa.
• 
  Vista dende a igrexa.
• 
  Espadana da igrexa.

• Lugares de Ribadavia