El Progreso Villalbés foi un periódico editado en Vilalba entre 1921 e 1933.

Subtitulado Periódico defensor de los intereses generales de la comarca de Villalba, apareceu en 1921. Fundado e dirixido por José Enríquez Chanot. De orientación católica, durante a Segunda República exerceu como portavoz da CEDA. Suspendeu a súa publicación a finais de 1924, pero volveu reaparecer a principios de 1925. Incluíu colaboracións de Aquilino Iglesia Alvariño, Carmiña Prieto Rouco e Xosé María Díaz Castro. Cesou a súa publicación en setembro de 1933.^[1]

• Abejón Mendoza, Paloma (2009). Prensa y autonomismo en la provincia de Lugo durante la Segunda República (en castelán). UCM. ISBN 978-84-693-1115-8.