El Argar é un sitio arqueolóxico que dá nome á cultura argárica. Está situado no municipio de Antas (Almería). Foi escavado inicialmente polos irmáns belgas Enrique e Luis Siret.

Atópase sobre unha meseta con abruptas pendentes no lado occidental, 35 m sobre o río Antas e ladeiras máis suaves no resto, estendéndose por parte destas últimas tamén.​ Forma parte da zona arqueolóxica de El Argar e La Gerundia, constituíndo un poboado prehistórico da Idade do Bronce no sueste ibérico.

Esta cultura descoñecida ata finais do século XIX fixo pensar aos seus escavadores que non mantiña ningunha relación coas fases anteriores, buscando a súa orixe en influencias mediterráneas^{[Cómpre referencia]}. Sábese que hai unha continuidade coa época previa de Los Millares (Idade do Cobre)^{[Cómpre referencia]}.

• Siret, Luis e Enrique (2006). «Las Primeras Edades del Metal en el Sudeste de España» (edición facsimilar). Murcia, España: Museo Arqueológico de Murcia. MU-584-2006.