El ángel de Budapest é un telefilme dramático español baseado no libro Un español frente al holocausto, do xornalista e director executivo de radio Diego Carcedo, sobre a vida do diplomático español Ángel Sanz Briz en Budapest (Hungría) durante os anos da segunda guerra mundial.[1]
Estreouse o 20 de decembro de 2011 en TVE1.
A rodaxe tivo lugar en Budapest desde o 9 de novembro até o 23 de decembro de 2010.[1][2]
Argumento
O argumento céntrase en Ángel Sanz Briz, encargado de negocios da embaixada de España en Hungría durante a segunda guerra mundial.
Sanz Briz salvou a vida a centos de xudeus durante o holocausto.
Formou un movemento de resistencia que lle permitiu salvalos. Expedíalles documentos de protección e aloxounos en casas de seguridade, resgardadas pola soberanía da embaixada.
Paralelamente, unha historia romántica segue a vida amorosa de Antal, un xudeu húngaro que se enamora da filla dun funcionario da Cruz Frechada do goberno fascista húngaro.[2]
Elenco
- Francis Lorenzo, como Ángel Sanz Briz.
- Anna Allen, como Adela Quijano, esposa de Sanz Briz.
- Tamás Lengyel, como Lajos.
- George Mendel, como Danielson.
- Manuel de Blas, como Miguel Ángel Muguiro.
- Ana Fernández, como a señora Tourné.
- Aldo Sebastianelli, como Giorgio Perlasca.
- Tamás Szabó Kimmel, como Antal.
- Iván Fenyő, como Raoul Wallenberg.
- Áron Őze, como Adolf Eichmann.
- László Agárdi, como Miklós Horthy.
Premios
- Premio á Mellor Película para televisión no Zoom Festival (festival europeo de cine para televisión) do 2012.[4]
- Medalla de Prata na categoría de TV Movies no Festival Internacional de Televisión e Cine de Nova York, do 2012.[5]
- Premio da Agrupación de Telespectadores e Radiooíntes (ATR) de 2012 á Mellor película para televisión.[6]
- Premio Ondas 2012 á Mellor miniserie.[7]
Notas
- ↑ 1,0 1,1 1,2 1,3 1,4 1,5 Filmhu 8 de novembro de 2010, Consultada o 13 de xaneiro de 2016.
- ↑ 2,0 2,1 2,2 2,3 2,4 origo.hu Arquivado 04 de marzo de 2016 en Wayback Machine. 23 de decembro de 2010. Consultda o 13 de xaneiro de 2016.
- ↑ bestofbudapest.com Arquivado 04 de marzo de 2016 en Wayback Machine. 9 de decembro de 2010. Consultada o 13 de xaneiro de 2016.
- ↑ 'El ángel de Budapest', mejor película en el Zoom Festival
- ↑ 'El ángel de Budapest', 'Operación Jaque' y 'Un país para comérselo', premiados en el Festival de Nueva York
- ↑ 'El ángel de Budapest', Lourdes Maldonado y las series de laSexta, premios ATR
- ↑ 'El ángel de Budapest', premio Ondas 2012
