O Eiriña Club de Fútbol foi un equipo de fútbol da cidade de Pontevedra.

Fundouse en 1922,e tomou o seu nome do barrio da Eiriña. Xogaba os seus encontros como local no Campo do Progreso. O seu uniforme era a listas amarelas e negras e pantalón negro.

Competiu durante a maior parte da súa existencia na Serie A do Campionato de Galicia. Tamén participou simultaneamente en tres campañas da Terceira División. Foi campión de Galicia de afeccionados nas tempadas 1932/33 e 1933/34. En 1936, gañou a primeira edición da Copa Galicia.

En 1941 fundouse co Alfonso XIII Foot-ball Club, que se creara en 1920, dando lugar ao Pontevedra Club de Fútbol, sendo Fernando Ponte Conde o primeiro presidente da nova entidade.

• Campionato de Galicia da Serie B (1): 1922-23
• Campionato Galego Amateur (2): 1932-33, 1933-34
• Copa Galicia (1): 1936

• Castro, C. (2021). "A vida deportiva do Eiriña". O Dez (8). pp. 20–24. 

• Freire Cordeiro, C. (2012). Todo sobre o fútbol galego. Xerais. p. 63. 

• Páxina oficial do Pontevedra Fútbol Club