A ecuación de Majorana é unha ecuación de onda relativista similar á ecuación de Dirac, pero inclúe o conxugado de carga ψc dun espinor ψ. Chámase así polo científico italiano Ettore Majorana e, en unidades naturais, é:^[1]

${\displaystyle i{\partial \!\!\!{\big /}}\psi -m\psi _{c}=0\qquad \qquad (1)}$

Escrita en notación de Feyman, onde o conxugado de carga se define como:

${\displaystyle \psi _{c}:=\gamma ^{2}\psi ^{*}\ }$.

A ecuación (1) pode ser expresada, alternativamente, como:

${\displaystyle i{\partial \!\!\!{\big /}}\psi _{c}-m\psi =0\qquad \qquad (2)}$.

Se unha partícula ten unha función de onda ψ que satisfai a ecuación de Majorana, a cantidade m na ecuación chámase "masa de Majorana". Se ψ = ψc, daquela chámase "espinor de Majorana". Ao contrario do espinor de Weyl ou do de Dirac, o espinor de Majorana é unha representación real do grupo de Lorentz, que é a razón pola cal está permitido incluír tanto o espinor como o seu complexo conxugado na mesma ecuación. Realmente, existe outro xeito de escribir un espinor de Majorana en función de catro compoñentes reais, o que amosa por que ás veces se considera a "conxugación complexa" como un artefacto de usar a notación de Dirac para un espinor real.^[2]

• Ettore Majorana
• Fermión de Majorana
• Física de partículas

• Marsch Eckart. "A New Route to the Majorana Equation". En Symmetry 2013, 5, 271-286. (En inglés)
• Aste, Andreas. "A Direct Road to Majorana Fields". En Symmetry 2010, 2, 1776-1809. (En inglés)