Cleopatra a Alquimista

Biografía
Nacemento	Despois de século III
Morte	Antes de século IV
Actividade
Ocupación	filósofa, alquimista, escritora
Período de actividade	(Con vida en: século III )
Descrito pola fonte	Women Writers of Ancient Greece and Rome (en)

Cleopatra a Alquimista foi unha alquimista e escritora do Exipto romano .

Descoñécense as datas do seu nacemento e morte, pero sitúase en Alexandría entre os séculos III e IV . Cleopatra era o seu pseudónimo e non se trata de Cleopatra VII, aínda que nalgunhas obras posteriores se refire a ela como Cleopatra: Queen of Egypt . Así aparece, por exemplo, na Basillica Philosophica de Johann Daniel Mylius (1618), onde se representa a súa imaxe xunto co lema: "O divino está oculto ao pobo pola sabedoría do Señor".^[1] Ademais, Cleopatra utilizouse como personaxe nos diálogos dos textos alquímicos.

Cleopatra foi unha das fundadoras da alquimia, precedente a Zósimo de Panópole . É mencionada por Michael Maier como unha das catro mulleres que souberon obter a Pedra Filosofal, xunto a María a Xudía, Medera e Taphnutia.^[2] Cleopatra menciónase con gran respecto na enciclopedia árabe Kitab al-Fihrist de 988.

Cleopatra é coñecida polo seu manuscrito Chrysopoeia (Fabricación de ouro), que contén moitos emblemas usados e desenvolvidos máis tarde polas filosofías gnósticas e herméticas . Nesta obra aparece por primeira vez o ouroboros, a serpe que traga a súa propia cola símbolo do ciclo eterno; ademais da estrela de oito puntas. A obra tamén contén diversas descricións e debuxos dos procesos técnicos do forno de fundición ou destilación . Algúns atribúenlle a invención do alambique .^[3]

• Stanton J. Linden. O lector de alquimia: de Hermes Trismegistus a Isaac Newton Cambridge University Press. (2003)
• Jennifer S. Uglow. The Macmillan Dictionary of Women's Biography (1982)