O Centro Tecnolóxico do Mar (CETMAR) é unha fundación de interese galego constituída en 2001 por iniciativa da Consellería de Pesca e Asuntos Marítimos á que está adscrita, da Dirección Xeral de I+D+I da Xunta de Galicia e do Ministerio de Ciencia e Innovación.

O obxectivo fundamental do Centro é impulsar a mellora do medio mariño e os sectores que del dependen a través da cooperación entre institucións, centros de investigación e o sector marítimo-pesqueiro; fomentando a implicación dos sectores dependentes do mar en actividades de investigación, desenvolvemento e innovación e favorecendo a eficiencia de tódalas actividades relacionadas co uso e explotación do medio mariño.

O CETMAR ten a súa sede en Bouzas, Vigo.