Centro Arqueolóxico de Salinae

Tipo	xacemento arqueolóxico
Parte de	Museo do Mar de Galicia Xunta de Galicia
Localización
División administrativa	Vigo, España
42°14′17″N 8°43′02″O / 42.23817, -8.71733
Historia
Data de creación ou fundación	2009
Data de descuberta ou invención	1998
Sitio web	museodomar.xunta.gal…

O Centro Arqueolóxico Salinae (Vigo) é a primeira salina romana de evaporación solar que foi conservada e musealizada do Imperio Romano. É un centro dependente do Museo do Mar de Galicia e da Xunta de Galicia.

As salinas foron descubertas en 1998 durante as escavacións da construción dun centro de saúde do Sergas. A intervención arqueolóxica estivo a cargo de J.C. Castro Carrera, da empresa Anta de Moura S.L. Decidiuse modificar o proxecto do centro de saúde para conservar e musealizar o xacemento, para o cal se investiron 1,4 millóns de euros. O proxecto do centro paralizouse en 2001 e, non foi ata finais do 2008 cando estivo preparado para a súa inauguración. A musealización da salina foi levada a cabo pola empresa Ingeniaqed S.A. e, a parte arquitectónica, polo arquitecto G. Santos-Zas.

Encóntrase no centro da cidade de Vigo, no 21-23 da rúa Rosalía de Castro, na praza do centro de saúde homónimo. A visita é gratuíta e ofrece a posibilidade de visitas guiadas. O horario de apertura ó público é de martes a domingo de 11 a 14 horas.

• Ficha do Centro Arqueolóxico de Salinae en Turgalicia.