O castro de Moldes é un castro situado na aldea de Moldes de Abaixo, pertencente á parroquia de San Mamede de Moldes do concello ourensá de Boborás.
O castro de Moldes érguese sobre un pequeno outeiro dende o cal se dominan as terras próximas. Non se advirte visualmente ningún tipo de restos. Na súa croa está situada a igrexa de San Mamede de Moldes, de estilo románico.
Foi catalogado na década de 1920 por Florentino López Cuevillas como un dos castros do catálogo da Terra do Carballiño.
