O Couto das Rodas é un poboado castrexo situado no lugar de Fonte Fría na parroquia de Cumbraos (Mesía).

O castro consta de dous recintos. O primeiro é un antecastro, que conserva parte dos parapetos na zona meridional e no resto o achanzamento que ven definido polo terraplén. O segundo é a croa, a unha maior altura, que ten tamén parapetos na parte meridional, con pouca caída cara ao interior, e duns 3 metros cara ao antecastro. O primeiro parapeto está atravesado por un camiño que se bifurca nun ramal interior da croa e outro que primeiro o fai no eixo N-S nuns 45 m e logo no antecastro uns 20 metros ^[1].

Non se ten noticia de que se realizasen campañas arqueolóxicas. Na actualidade non se pode visitar.

A titularidade está en mans privadas e a súa conservación depende de posibles construcións de pistas ^[1].

A Galipedia ten un portal sobre: Cultura castrexa

• Cultura castrexa
• Castros da provincia da Coruña