O Campionato Ibérico de Fútbol Gaélico é a competición rexional de fútbol gaélico que agrupa os equipos da Península Ibérica. Dende 2006 é considerado polo Comité Europeo de Deportes Gaélicos un campionato rexional que puntúa para o campionato europeo e unha das súas roldas coincide cunha rolda de dito campionato.

En Galicia: Fillos de Breogán (A Coruña), Ártabros de Oleiros, Irmandinhos A Estrada, Bráithreachas (A Estrada), Mecos FG Ogrobe, Pontevedra FG, Estrela Vermelha FG de (Santiago de Compostela), Keltoi GAC (Vigo), Auriense FG (Ourense) e Dorna FG (A Illa de Arousa). No resto de España: Barcelona Gaels, Madrid Harps, Madrid O'Donnells, Sant Vicent GAA (Valencia), Costa Gaels (Marbella), Eire Og (Sevilla), Granada Gaels, Sitges Eagles e Tres Cantos.

No resto da península: Xibraltar.

Os clubs adoitan estar formados por xogadores irlandeses e unha nutrida representación de xogadores locais, que oscila sobre a metade do cadro de xogadores (exceptuando os equipos galegos, compostos case na súa totalidade por xogadores locais).

O actual campión (2019) do Campionato Ibérico de Fútbol Gaélico masculino é o Madrid Harps, e na competición feminina o Filhas de Breogán, da Coruña.

9 Madrid Harps: 2005, 2008, 2010, 2012, 2014, 2015, 2016, 2017, 2018

3 Barcelona Gaels: 2007, 2009, 2013

1 Marbella-Costa del Sol GAA: 2011

1 Sant Vicent Valencia GAA: 2006

6 Madrid Harpettes: 2009, 2010, 2011, 2012, 2014 2015

3 A Coruña Fillas de Breogán: 2016, 2017, 2018

2 Barcelona Gaelettes: 2008, 2013

• Fútbol gaélico
• GAA
• Asociación Galega de Fútbol Gaélico