ARPA, acrónimo de Autolinee Regionali Pubbliche Abruzzesi (Liñas Rexionais Públicas de Abruzzo, en italiano) foi unha sociedade anónimaitaliana de transporte de pasaxeiros, con sede legal en Chieti. Xestionaba o transporte público periurbano e interurbano da rexión dos Abruzos. Foi creada en 1978 e disolta en 2015 coa súa integración na TUA.
Historia
En 1978 até 65 empresas de transporte, públicas e privadas, levaban aproximadamente 300 autobuses por gran parte da rexión italiana dos Abruzos. No contexto dunha reorganización xeral do transporte público local, estas foron absorbidas para a constitución de ARPA o 1 de xuño de 1978. Malia a nova ordenación, os resultados non foron operativos até comezos de 1979.
O inicio para a unificación do operador partiu da Lei Rexional de Abruzzo nº 52/78, seguindo ao que ocorrera no Lacio en 1976, cando se creou a COTRAL.
