Arturo Noguerol

Arturo Noguerol, retrato en '"Vida Gallega" (1923)
Nome orixinal	Arturo Noguerol Buján
Biografía
Nacemento	6 de maio de 1892 Ourense, España
Morte	12 de setembro de 1936 (44 anos) Serantes, España
Causa da morte	paseo, execución por arma de fogo
Educación	Universidade de Salamanca - dereito (–1915)
Actividade
Ocupación	avogado, escritor
Empregador	Irmandades da Fala Grupo Nós
Xénero artístico	Ensaio
Sinatura
Descrito pola fonte	Diccionario bio-bibliográfico de escritores (1951-1954) Diccionario de escritores en lingua galega

Arturo Noguerol Buján, nado en Ourense o 6 de maio de 1892 e asasinado en Serantes (Ferrol) o 12 de setembro de 1936, foi un avogado e intelectual galeguista.

Naceu en Ourense, onde estudou o bacharelato con Otero Pedrayo, Florentino Cuevillas e Manuel Martínez Risco. Fixo a carreira de Dereito na Universidade de Salamanca entre os anos 1910 e 1915. En 1915 abriu o seu despacho no nº 10 da rúa Padre Feixóo, onde estivo logo a administración e a xerencia da revista Nós.

Amigo tamén de Vicente Risco, con quen coincidiu no cenáculo ourensán, participou na publicación La Centuria, da que foron xerentes, e que foi de vital importancia para a expresión dunha xeración de intelectuais ourensáns antes da súa conversión ao galeguismo das Irmandades da Fala, da man de Antón Losada Diéguez, e que posteriormente sería a Xeración Nós.

O seu artigo "La patria", publicado en La Centuria, foi un dos primeiros testemuños que se emitiu a prol do galeguismo e serviu de punto de partida para constituír a Irmandá Rexionalista d'Ourense en 1918. Publicou once artigos na revista Nós, catro artigos en La Centuria, dous n'O Tio Marcos d´a Portela, outros seis na revista A Nosa Terra, dous en La Billarda e dous en La Zarpa. O 15 de setembro de 1930 publicou o seu derradeiro artigo no nº 81 de Nós, titulado “Notas políticas”. A partir de entón retirouse da vida política e literaria.

Foi secretario de administración local e exerceu no Pereiro de Aguiar, Avión, Rianxo e Serantes. Durante a revolución de 1934, cando era secretario do concello de Serantes, foi detido por posesión de arma de fogo, mais foi exonerado. Tras o golpe de Estado do 18 de xullo de 1936 foi detido polos sublevados por propagar noticias tendenciosas, e encadeado na prisión da Escollera de Ferrol. Foi procesado, e logo de comprobar a súa inocencia, o xuíz militar ordenou a súa liberación. Foi novamente detido por elementos paramilitares. Na tarde do 11 de setembro de 1936 introduciron a Noguerol con outras doce persoas nun autobús e na noite seguinte executáronos no cemiterio parroquial de Serantes na estrada da Coruña a Ferrol, onde foron soterrados.

* Parolas sobre a propiedá, 1918 (publicado en La Región).

Casou con Eloísa Martínez Carballo o 21 de xaneiro de 1924. Tiveron dous fillos nados en Ourense: Eloísa e Pedro Arturo.

Wikimedia Commons ten máis contidos multimedia na categoría:  Arturo Noguerol

• Grupo Nós
• I Asemblea Nacionalista
• IV Asemblea Nacionalista