Alberto Manuel Cereijo Suárez, nado na Coruña o 13 de agosto de 1967, é un músico galego. Destaca polos seus traballos de guitarrista, arranxador, composición e produción. É coñecido por ser o guitarrista solista do grupo de rock Los Suaves.
Biografía
En 1985 Cereijo iniciouse como músico, aos 17 anos, empezando a tocar en bandas locais ourensás como Alquitrán e Reina del Alba. Entre 1987 e 1990 cursou os seus estudos musicais na escola musical “Estudio”, de Santiago de Compostela, onde levou a cabo estudos de harmonía, composición, improvisación, solfexo, polirrítmia, instrumento etc., e no conservatorio oficial de música de Ourense, onde estuda guitarra, solfexo e canto coral. É durante este tempo, en 1989, cando entra a formar parte de Los Suaves como membro fixo. Durante 1990 viaxa aos Ánxeles, onde se matricula no Musical Institute de Hollywood, no departamento de Guitar Institute of Technology, graduándose en marzo de 1992. Este mesmo ano publicou o seu primeiro álbum en solitario, Work Out, para a compañía Donosti Rock.
Compaxinando o seu traballo con Los Suaves durante toda a década de 1990, en 1998 realizou un máster de tres meses, novamente no Musical Institute. En 2001 publicou o seu segundo álbum en solitario, Evasion, esta vez para o selo Locomotive Music. No ano 2003 fundou a banda de rock ECO, xunto con Tino Mojón e Roberto Espinosa, aos que máis tarde se lles uniría Diego P. Castro, publicando o seu único álbum, Réplica, en 2007. Na actualidade compaxina o seu traballo en Los Suaves e ECO.
Outros datos
- Cereijo asistiu a clases e seminarios de músicos como Brett Garsed, Nick Nolan, Danny Gill, Blues Saraceno, Terry Bozzio, Gregg Bissonette, Bobby Rock, Stu Hamm, Steve Dudas, Jeff Berlin, Don Mock, Keith Wyatt, Steve Trovato, Jamie Findlay, Paul Hanson, Dan Gilbert, Ralph Humprey, Bill Ward, Oz Fox, Craig Goldie, Jennifer Batten, Ross Bolton, Scott Henderson, Victor Woten, Randy Coven ou Norman Brown.
- Durante estes anos impartiu seminarios e clinics por numerosos puntos de España, sendo profesor en varias escolas de música de Galicia.
Discografía
Con Los Suaves
Álbums en solitario
Con ECO
Véxase tamén
Ligazóns externas
