Això no és Suècia é unha serie de televisión de comedia dramática creada por Aina Clotet,[1] Daniel González e Valentina Viso para TV3,[2] RTVE Play[3] e Sveriges Television. Está protagonizada por Clotet xunto a un elenco coral formado por Marcel Borràs, Liv Mjönes, Tomàs del Estal, Nora Navas, Maria Langhammer, Enric Auquer, Pol López, Mabel Rivera, Anna Moliner, Nausicaa Bonnín, August Wittgenstein e Violeta Sanvisens no seu debut como protagonista.[4] Polo seu carácter multicultural, a serie de oito episodios e 40 minutos de duración rodouse en catro linguas: catalán, castelán, inglés e sueco.[5]
Això no és Suècia tivo a súa estrea mundial na décima edición do festival Serielizados Fest de Barcelona o 17 de outubro de 2023, como serie inaugural do festival.[6][7] Ese mesmo mes, a serie presentou o seu cartel.[8] En novembro de 2023, RTVE Play lanzou o tráiler completo da serie e programou a súa estrea completa na plataforma para o 28 de novembro de 2023.[9] Ao mesmo tempo, tamén se anunciou que TV3 estrearía o primeiro capítulo da serie un día antes, o 27 de novembro, para despois emitir o resto da serie con periodicidade semanal.[10]
Sinopse
Para educar os seus fillos nun lugar máis auténtico e afastado das súas respectivas e penosas infancias, Mariana (Aina Clotet) e Samuel (Marcel Borràs) trasládanse a Vallvidrera, un barrio de montaña de Barcelona, onde atopan unha comunidade de persoas coas mesmas aspiracións. Pero cando unha traxedia sacude o barrio, desmantelando o seu ideal de vida, as certezas de Mariana e Samuel comezan a tremer e o medo instálase na parella, achegándose perigosamente a todo do que tentaban fuxir.
Personaxes
Principais
- Aina Clotet como Mariana "Marian" Moreno
- Marcel Borràs como Samuel "Sam"
- Violeta Sanvisens como Lia
- Artur Santiago e Roc Santiago como Max
- coa colaboración especial de
- Liv Mjönes como Annika (episodio 1; episodio 3 - episodio 8)
- Nora Navas como Blanca (episodio 1 - episodio 5; episodio 7 - episodio 8)
- Nausicaa Bonnín como Laura
- Eva Llorach como Pediatra (episodio 1; episodio 4)
- Ia Langhammer como Frida (episodio 2 - episodio 8)
- Mabel Rivera como Marisa García Albéniz (episodio 2 - episodio 3; episodio 5)
- Enric Auquer como Pablo (episodio 3 - episodio 4; episodio 8)
- August Wittgenstein como Olivier Karlson (episodio 6)
Notas
- ↑ Navarro, Jennifer (2023-11-26). El Món, ed. "La criança perfecta no existeix a Suècia, ni aquí ni enlloc" (en catalán). Consultado o 2023-12-04.
- ↑ 324cat, ed. (2023-04-11). ""Això no és Suècia", la primera sèrie catalana que opta al certificat Green Film" (en catalán). Consultado o 2023-12-04.
- ↑ "‘Esto no es Suecia’ será la primera ficción original de RTVE Play". Audiovisual451. 2022-11-28. Consultado o 2023-11-16.
- ↑ "RTVE Play arranca el rodaje de 'Esto no es Suecia', primera serie original de la plataforma". Vertele. 2023-03-09. Consultado o 2023-11-16.
- ↑ Rodera, Alejandro (2023-03-09). Formula TV, ed. "Arranca el rodaje de 'Esto no es Suecia', la primera ficción original de RTVE Play". Consultado o 2023-11-16.
- ↑ "‘Esto no es Suecia’ inaugurará el Serielizados Fest 2023". Cine con Ñ. 2023-09-08. Consultado o 2023-11-16.
- ↑ Diari de Barcelona, ed. (17 de outubro de 2023). "Dirigir 'Això no és Suècia' neix de voler compartir dubtes i pors, evitant donar respostes" (en catalán). Consultado o 2023-12-04.
- ↑ "'Esto no es Suecia' presenta su cartel". Butaca y Butacón. 2023-10-14. Consultado o 2023-11-16.
- ↑ Formula TV, ed. (2023-11-14). "'Esto no es Suecia', la primera serie original de RTVE Play, lanza su tráiler y confirma su fecha de estreno". Consultado o 2023-11-16.
- ↑ Oller, Xavi (2023-11-13). "'Esto no es Suecia' ya tiene fecha de estreno en RTVE Play y TV3". TVienes. Consultado o 2023-11-16.
