20 Million Miles to Earth (a.k.a. The Beast from Space) é unha película estadounidense de ciencia ficción rodada en branco e negro por Nathan Juran en 1957. Está protagonizada por William Hopper, Joan Taylor e Frank Puglia. Ambientada en Italia, conta a historia dun monstro procedente de Venus. O guión escrito por Bob Williams e Christopher Knopf a partir dunha idea orixinal de Charlott Knight e Ray Harryhausen.[1] Producida por Morningside Productions para Columbia Pictures, como noutras películas froito da colaboración entre Charles H. Schneer e Columbia, a acción incorpora a animación en stop motion característica de Ray Harryhausen.
Argumento
Un foguete espacial estrélase no mar preto da costa siciliana perante a estupefacta mirada duns pescadores que reman cara a nave na procura de superviventes, rescatan a dous dos tripulantes antes de que o foguete se afunda por completo. O coronel Bob Calder, piloto da nave, é un dos sobreviventes e Marisa, estudante de medicina, será quen atenda os feridos. A nave espacial regresa de Venus e no seu interior transportaba un contedor selado.
Elenco
- William Hopper como o coronel Robert Calder
- Joan Taylor como Marisa
- Frank Puglia como o doutor Leonardo
- John Zaremba como o doutor Judson Uhl
- Thomas Browne Henry como o Major General A.D. McIntosh
- Tito Vuolo como o comisario de policía Unte
- Jan Arvan como Contino
- Arthur Space como o doutor Sharman
- Bart Bradley como Pepe, o neno
- Ray Harryhausen como un home no zoolóxico (non aparece nos títulos de crédito)
Notas
Véxase tamén
Ligazóns externas
_Ymir.png)
