A 2. Bundesliga ou Zweite Bundesliga é a segunda categoría da Liga de fútbol de Alemaña. Está por debaixo da máxima categoría profesional, a 1. Bundesliga, e por riba da terceira división (3. Liga) creada en 2008.
Actualmente participan na 2. Bundesliga 18 clubs que, seguindo un calendario establecido por sorteo, se enfrontan entre si en dous partidos, un en terreo propio e outro en campo contrario. O gañador de cada partido ten tres puntos, o empate outorga un punto e a derrota, cero puntos.
O torneo dispútase entre os meses de agosto e maio do seguinte ano. Ao termo da tempada, os dous primeiros clasificados ascenden á 1. Bundesliga, e o terceiro clasificado disputará o seu ascenso co antepenúltimo clasificado da 1.Bundesliga. Os dous últimos son descendidos á 3. Liga e o antepenúltimo clasificado disputará a súa permanencia co terceiro clasificado da 3. Liga.