Iománaí Éireannach is ea Patrick Maher (Pádraig Ó Meachair i nGaeilge), a rugadh ar an 12 Deireadh Fómhair 1989. As Lothra i gContae Thiobraid Árann dó. Imríonn sé leis an club iomána áitiúil agus le foireann an chontae. Bhí sé ina bhall d'fhoireann na mionúr nuair a bhaineadar craobh na hÉireann sa bhliain 2007. I 2010 bhuaigh sé craobh faoi-21 na hÉireann mar aon le craobh na sinsear. De ghnáth imríonn sé mar leaththosaí. Bhain sé gradam 'all star' amach sa bhliain 2014 agus 2016.
