Mir

Cineál misean	stáisiún spáis
Uimh. SATCAT	16609
Airíonna árthaigh
Mais	129,700 kg
Toisí	27.5 () × 31 () × 19 () m
Tús an mhisin
Lainseáil roicéid Dáta 19 Feabhra 1986 Áit Baikonur Cosmodrome Site 200 (en) , Cosmadróm Baikonur
Feithicil lainseáil	Proton-K
Deireadh an mhisin
Athiontráil	23 Márta 2001, 01:16:14 UTC
Gníomhachtaigh fithiseach Cineál fithise fithis íseal dhomhanda Claonadh 51.6 ° Tréimhse 91.9 min Fithisí curtha i gcrích 86,331

Stáisiún spáis ab ea Mir. I 1986 a lainseáil an tAontas Sóivéadach an chéad aonad de shaotharlann spáis a dtugtar Mir air i bhfithis bhuan timpeall an Domhain.

Ionad maireachtála, córais cumhachta leictrí is cothabhála beatha a bhí sa bhunaonad 20 tonna seo. De réir a chéile cuireadh aonaid breise leis le turgnaimh iomadúla a chur i gcrích, fiú i gcomhoibriú leis na Stáit Aontaithe le blianta anuas. Éacht oibre a bhí ann gach uair a chuaigh spásárthach suas le haonad nua a ghreamú leis, spásairí a chur ar bord nó a thógaint amach as, nó soláthairtí de gach saghas a chur ar bord. Rinne tointeálaí spáis de chuid na Stát Aontaithe ionad coinne le Mir minic go leor le blianta anuas.

Tá an-chuid taighde déanta ann ar ábhair éagsúla: réaltraí, cuasáir, neodrónréaltaí, an Domhan féin, a acmhainní is a atmaisféar, ábhair bitheolaíochta, agus próiseáil ábhar eile faoi dhomhantarraingt nialasach.

• Chuaigh an stáisiún spáis Mir le tine ar 23 Feabhra 1997; bhí sé deacair na deisiúcháin a dhéanamh i gceart.^[1]
• I 1999 d'fhág na Rúisigh é.

Le 83,500 fithis thart ar an Domhan curtha de, bhí an struchtúr 40 tonna tagtha chun deireadh a ré.

I 2001, fuinnmhíodh scairdinnill le Mir a bhrú amach as a fhithis i dtreo an Domhain. Nuair a tháinig sé i dteagmháil le barr an atmaisféir, timpeall 100 km in airde, thosaigh sé ag téamh le frithchuimilt leis an ngás san atmaisféar, ag dó is ag galú. Mar sin féin, meastar gur mhair oiread éigin tonnaí le tuairteáil ar an Domhan: tharla sé seo san Aigéan Ciúin i ngar d'Fhidsí.

Ní raibh rialtais na dtíortha faoin bhfithis dheiridh, an Astráil ina measc, róshásta leis seo. Mar a tharla, níor gortaíodh duine ar bith leis an tuairteáil isteach san aigéan, agus seó iontach tine ealaíne a bhí inti.^[2]

Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir.

Is síol a bhaineann leis an spáis nó spáseitilt é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.