Cheap an Pápa Leo XIII ina Ardeaspag ar Dheoise Ard Mhacha agus Éarlamh na hÉireann Uile sa bhliain 1887 mar chomharba ar an Easpag. Eisean a bhí ina chomharba ar Ardeaspag Daniel MacGettigan. Rinneadh Cairdinéal de ar 19 Eanáir 1893.
D’éag Logue in Ara Coeli, teach cónaithe Easpag Ard Macha taobh leis an Ardeaglais,[3] ar 19 Samhain1924 in aois 84 dó.
Polaitíocht
Logue sa bhliain 1908
Bhí an Cairdinéal go láidir in aghaidh na gluaiseachta poblachtaí.[4]
Sa bhliain 1916, nuair a bhí Éirí Amach na Cásca críochnaithe, chuir Logue teileagram chuig Leo XIII ag rá ‘
Ar an dea-uair, tá an t-éirí amach thart. Ghéill na ceannaircigh gan choinníoll. Tá súil agam go mbeidh an tsíocháin i réim arís’.
Thug sé sin pléisiúr don Phápa. Chorraigh na heachtraí Leo XIII agus d’ordaigh sé do Logue agus na heaspaig a rá le daoine a bheith dílis do Shasana.[5]
As Cill Mhic nÉanáin, Contae Dhún na nGall, bhí Gaeilge ag Logue. Ar an 7 Bealtaine 1899, thug sé an Aitheasc ag an tríú Oireachtas ar siúl, san Rotunda i Seomraí an Chonnradh agus i dTeach an Árd Mhéara i mBaile Átha Cliath.[6][2]
Tharraing Logue conspóid. Bhí an tAthair Ó hIceadha an-dian ar easpaig Chaitliceacha na hÉireann. D’ionsaigh sé Logue agus baill eile den chliarlathas agus thug sé ‘worthless faction’ agus ‘authors of squalid and foolish apostasy’ orthu.[7]
