Amhránaí ar an sean-nós as an gCaorán Mór ar an gCeathrú Rua ab ea Máire Nic Dhonnchadha (a d'éag ar an 1 Nollaig 2020). Bhí bua an cheoil ar an dá thaobh aici, ach is ó mháthair a hathar a fuair Máire go leor amhrán nuair a bhí sí óg.[1] Chuaigh sí go dtí an tOireachtas den chéad uair in 1962, agus bhuaigh sí príomhchomórtas amhránaíochta an Oireachtais (ar a dtugtar Corn Uí Riada anois) sa bhliain 1964.[1] Ina dhiaidh sin, thug sí duais speisialta don Oireachtas — Corn Mháire Nic Dhonnchadha — a bhronntar ar dhaoine nár bhuaigh aon duais amhránaíochta ag an Oireachtas cheana. Thaifead sí amhráin le Gael Linn, Comhaltas Ceoltóirí Éireann, agus RTÉ.
Tagairtí
