George Boole

Beathaisnéis
Breith	2 Samhain 1815 Lincoln, England
Bás	8 Nollaig 1864 49 bliana d'aois Baile an Teampaill
Siocair bháis	Niúmóine
Áit adhlactha	Corcaigh
Gníomhaíocht
Réimse oibre	Loighic mhatamaiticiúil
Gairm	matamaiticeoir, loighceoir, fealsamh, eolaí ríomhaireachta
Ball de	An Cumann Ríoga
Teangacha	Béarla
Teaghlach
Teaghlach	Boole family (en)
Céile	Mary Everest Boole (1855–)
Páiste	Ethel Lilian Voynich, Margaret Boole Taylor, Mary Boole Hinton, Alicia Boole Stott, Lucy Everest Boole
Gradam a fuarthas (1855)  Keith Medal (en) (1844)  An Bonn Ríoga  Comhalta den Chumann Ríoga

Matamaiticeoir, loighceoir, agus fealsamh a saolaíodh i Lincoln Shasana is a d'oibrigh i gColáiste na Ríona i gCorcaigh ab ea George Boole (2 Samhain 1815 – 8 Nollaig 1864).

B'eisean a chéadcheap ailgéabar Boole, is é sin, an cineál ailgéabar a úsáidtear le réasúnaíochtaí loighciúla a chur i bhfoirm mhatamaiticiúil.

Is é ailgéabar Boole is bunús leis an ríomhaireacht nua-aimseartha go léir, agus ag caitheamh súil ar ais dúinn, is féidir linn a rá go raibh Boole ar dhuine acu siúd a bhunaigh an ríomheolaíocht mar bhrainse eolaíochta, cé nár tháinig an chéad ríomhaire ar an bhfód ach i bhfad i ndiaidh a lae.

Thug Boole isteach teoiric na do-athraitheachta (1841), brainse nua sa mhatamaitic a bhí bunúsach i dteoiric coibhneasachta Einstein.

Tá cáil ar Boole freisin as na leabhair

• Mathematical Analysis of Logic (Anailís Mhatamaiticiúil ar an Loighic, 1847) agus
• Laws of Thought (Dlíthe na Smaointeoireachta, 1854).

Rinne Boole céimeanna chun cinn i dteoiric na seiteanna, uimhreacha dénártha is an dóchúlacht.

Tugtar an leasainm bunaitheoir na glanmhatamaitice air.^[1]

Tá an t-alt seo bunaithe ar ábhar as Fréamh an Eolais, ciclipéid eolaíochta agus teicneolaíochta leis an Ollamh Matthew Hussey, foilsithe ag Coiscéim sa bhliain 2011. Tá comhluadar na Vicipéide go mór faoi chomaoin acu beirt as ucht cead a thabhairt an t-ábhar ón leabhar a roinnt linn go léir.

Is síol é an t-alt seo. Cuir leis, chun cuidiú leis an Vicipéid. Má tá alt níos forbartha le fáil i dteanga eile, is féidir leat aistriúchán Gaeilge a dhéanamh.