Staraí Éireannach agus Ollamh Emeritus le Stair Meánaoise ag Coláiste na hOllscoile, Corcaigh (CnOC) ba ea Donnchadh Ó Corráin (28ú Feabhra 1942 – 25ú Deireadh Fómhair 2017).[1][2] Bhain sé céim BA sa stair agus Gaeilge ag CnOC sa bhliain 1964.[3]
D'fhoilsigh sé saothair ar na Cogaidh Lochlannacha, Éire roimh ré na Normannach agus bunús ainmneacha Gaeilge. I dteannta lena phost ag CnOC, bhí postanna aige i gColáiste na hOllscoile, BÁC, Ollscoil Cambridge, Ollscoil Pennsylvania, Ollscoil Oslo agus Ollscoil Oxford, áit a bhí sé ina Chomhalta Taighde Sinsearach Cuartaíochta de Balliol College.[4]
Ba é siúd a bhunaigh agus a stiúraigh na tionscadail ArCH, MultiText (nach maireann) agus CELT.[1] Toghadh é mar bhall d'Acadamh Ríoga na hÉireann sa bhliain 1982.[5] Go gairid roimh a bhás, foilsíodh a mhórshaothar Clavis Litterarum Hibernensium.[6]
Saothair
- Donnchadh Ó Corráin, Ireland before the Normans. Vol. 2. Gill and Mac Millan, 1972.
- Mac Curtain, Margaret, agus –, Women in Irish society: The historical dimension. No. 11. Westport, Conn.: Greenwood Press, 1979.
- "The laws of the Irish" (1984). Peritia 3: 382–438. doi:10.1484/J.Peri.3.77.
- –, Ireland c. 800: aspects of society. A new history of Ireland - Imleabhar 1 (2005): 549–608.
- "The Vikings in Scotland and Ireland in the ninth century" (1998). Peritia 12: 296–339. doi:10.1484/J.Peri.3.334.
- —, The Irish Church, its Reform and the English Invasion. (2017)
- —, Clavis Litterarum Hibernensium (3 Vols), Brepols. (2017)
Naisc sheachtracha
Tagairtí
