Meastar go bhféadfadh an tAcht na hastaíochtaí ó bhreoslaí iontaise na Stát Aontaithe a laghdú agus go mbeidís 41%-42% faoin leibhéal ag a rabhadar in 2005 faoin mbliain 2030.[4]
Cúlra
Sa bhliain 2018, bhí na Stáit Aontaithe freagrach as 12% d’astaíochta gás teasa (GCT[5]) na cruinne (C02e).[6][7][8] Má chomhairtear na hastaíochtaí ar fad ó bhreoslaí iontaise ó 1750, is mó a tháirg SAM ná aon tír eile ar domhan.[9]
Spreagann an tAcht tomhaltóirí agus tionscail lena spleáchas ar bhreoslaí iontaise a athrú.
Cuireann an tAcht pionós ar chomhlachtaí breoslaí iontaise a scaoileann amach iomarca astaíochtaí meatáin
Cuirfear maoiniú riachtanach ar fáil chun an truailliú a ghlanadh suas.
Gearrann táille mheatáin ar chomhlachtaí breoslaí iontaise a scaoileann an iomarca den mheatán amach san aer ó tharla gur truailleán aeráide an-chumhachtach é an gás sin.[9]
Spriocanna
An sprioc atá leis an reachtaíocht seo go mbeadh billiún tonna de laghdú ar astaíochtaí gásanna ceaptha teasa na Stát Aontaithe in 2030. Faoin mbliain 2030, meastar nach mbeidh ach 9.7% de leictreachas na Stát Aontaithe á fháil ó ghual, tionscal atá ag dul i léig ansin le fada.
Cé go raibh an gás nádúrtha mar fhoinse fuinnimh ag ardú thall le tamall, meastar go mbeidh a úsáid sin freisin laghdaithe 28% sa bhliain 2030.
Conspóídí
Cháin na polaiteoirí is forásaí nó is liobrálaí sa Chomhdháil an bille seo toisc é a bheith níos teoranta ná an uaillmhian a bhí ag an Uachtarán Biden leis an ‘Acht Atógála Níos Fearr’. Ach theip air dóthain tacaíochta a fháil don acht sin agus a bhuíochas do na forálacha ar son na haeráide atá san Acht Laghdaithe Boilsciú seo, glacadh leis.[9]
.svg)