Achtaíodh an tAcht um an Dlí Coiriúil (Cionta Gnéasacha) 2006 in Éirinn ar an 2 Meitheamh 2006, mar thoradh ar chás CC v Ireland [2006] IESC 33.[1],[2] D'ullmhaigh an Coimisiún um Athchóiriú an Dlí Acht Athbhreithnithe, d'fhonn go léireofaí gach leasú a rinneadh ar Acht 2006 faoin 27 Márta 2017.[3]
Faoin Acht, is í 17 bliain aois dhlíthiúil na comhthola. Tá caidreamh gnéasach mar a bhfuil duine de na páirtithe nó an dá pháirtí faoi bhun 17 bliain d’aois in aghaidh an dlí. Tá duine sainordaithe díolmhaithe, áfach, ó thuairisc shainordaithe i gcásanna áirithe.[4],[5]
Conspóidí
Níor réitigh an tAcht seo áfach na míchothromaíochtaí atá ann agus riar an chirt. Tá díospóireacht ó shin faoi cheann de na príomhcheisteanna i ndiaidh an cháis CC agus an réiteach a thug an Oireachtas air - ar chóir an Bunreacht a leasú ionas go mbeadh diandliteanas i leith an duine fhásta a bhfuil gnéas aige le duine atá faoi bhun na haoise toilithe?[6]
Cé go raibh a lán cainte faoi sin sna blianta i ndiaidh an cháis CC agus cé gur moladh go leor uaireanta gur chóir an Bunreachta a leasú chun an bhreith a fhreaschur, ní dheachaigh an tAcht um an Aonú Leasú is Tríocha ar an mBunreacht 2012 i ngleic leis an ábhar.[7]
Tagairtí
