Trini Lopez (berne as Trinidad López III, Dallas (Teksas), 15 maaie 1937 - Palm Springs, 11 augustus 2020) wie in Amerikaansk sjonger fan Meksikaansk komôf.

Lopez hie in soad súkses yn 1963 mei it liet If I had a hammer dat it earste plak yn de hitlisten yn 25 lannen helle, ek de Nederlânske Tijd voor Teenagers Top 10. It nûmer stie op syn debútalbum Trini Lopez Live at PJ's, dat ferskynde op Reprise Records, it platelabel fan Frank Sinatra. Ek La Bamba fan deselde lp waard in hit. Letter hie Lopez noch súkses mei ûnder oaren This land is your land, Kansas City en Adalita.

Lopez wie ek akteur, mar pykte der op dat mêd net út. Njonken Sinatra en Dean Martin die er mei yn syn earste film "Marriage On The Rocks" (1965). De bekendste film dêr't er yn spile wie "The Dirty Dozen" (1967).

Ek anno 2014 ferskynde Trini Lopez noch op 'e planken.

Trini Lopez stoar yn de âldens fan 83 jier oan de gefolgen fan COVID-19.

• 1963 Trini Lopez at PJ's
• 1963 More Trini Lopez at PJ's
• 1964 On the Move
• 1964 Live at Basin St. East
• 1964 The Latin Album
• 1965 The Folk Album
• 1965 The Love Album
• 1965 The Rhythm and Blues Album
• 1965 The Sing Along World of Trini Lopez
• 1965 Trini Lopez Live in South Africa
• 1966 Trini
• 1966 The Second Latin Album
• 1966 Greatest Hits
• 1967 In London
• 1967 Now!
• 1968 It's a Great Life
• 1968 Welcome to Trini Country
• 1969 The Whole Enchilada
• 1969 The Trini Lopez Show
• 1971 Trini Lopez Live in Tokyo
• 1972 Viva
• 1977 Y Su Alma Latina
• 1978 Transformed By Time
• 1991 The 25th Anniversary Album
• 1998 Dance Party
• 2000 Aylole-Aylola
• 2001 Dance the Night Away
• 2002 Legacy: My Texas Roots
• 2005 Romantic and Sexy Guitars
• 2008 Ramblin' Man
• 2011 Into the Future, Trilo Records

• Offisjeel webstee

Ofbylden dy't by dit ûnderwerp hearre, binne te finen yn de kategory Trini López fan Wikimedia Commons.