De Opstanningstsjerke waard yn 1960 yn 'e wyk Achter de Hoven boud foar de Herfoarme Tsjerke fan Ljouwert. Oant 1995 bleau de tsjerke in herfoarme gebou, dêrnei waard de tsjerke oernommen troch de Folle Evangelyske Gemeente. De namme bleau lykwols itselde. [1]
Oargel
It oargel waard troch de nije gemeente fan 'e Herfoarme tsjerke oernommen en stiet noch jimmeroan op de galerij. It ynstrumint datearret út 1966 en waard boud troch it Ljouwerter oargelbedriuw Bakker & Timmenga. Fanwegen de hege kwaliteit waarden der foarhinne op it oargel in soad konserten fan tsjerkemuzyk jûn.[2] Yn 'e tsjinsten fan 'e Folle Evangelyske Gemeente wurdt foar oare muzyk keazen en spilet it oargel net in grutte rol.
