In nút is in inkelfâldige dopfrucht, dy't bestiet út in hurdere fruchtwand en in sêfter sied, dat oer it algemien ytber is. By de riping wurdt de stieneftige of houteftige fruchtwand faak hielendal of foar in part tige hurd. Net alle nuten binne trouwens ytber; sa binne de ikels fan 'e Kalifornyske iik dêr fierstente bitter foar. Yn 'e plantkunde wurde inkeld nuten wêrfan't de húl net iepenspringt om it sied derút te litten beskôge as "echte nuten"; yn 'e itensiederij wurde folle mear fruchtesoarten ûnder de term "nút" beflapt.

Foarbylden fan wiere nuten binne hazzenuten (fan 'e hazzebeam), bûkenuten (fan 'e bûk), kastanjes (fan 'e kastanje) en ikels (fan 'e iik). Oare fruchten dy't faak as nút oantsjutten wurde (mar dat yn 'e botanyske sin net binne), binne ferskate soarten stienfruchten (lykas wânuten en kokosnuten) of sieden fan stienfruchten (lykas mangels en betelnuten); oarsoartige sieden (lykas cashewnuten, pistaches, makadamianuten en pekannuten); en pûlfruchten (lykas pinda's of apenútsjes)

Boarnen, noaten en/as referinsjes:

Foar boarnen en oare literatuer, sjoch ûnder: References, op dizze side. Commons  Ofbylden dy't by dit ûnderwerp hearre, binne te finen yn de kategory Nuts fan Wikimedia Commons.