It Joadske Begraafplak It Oranjewâld is it twadde joadsk begraafplak dat yn de gemeente It Hearrenfean oanlein waard. It leit by it doarp It Oranjewâld en is frij tagonklik. Yn 1883 waard de grûn dêrfoar oankocht mei jild út in donaasje fan de famylje Rothschild. Der steane sa'n 30 sarken.

It oare joadske begraafplak leit yn It Hearrenfean, oan de Deanslûs. Dy wie yn gebrûk tusken 1860 en 1880.

• List fan Joadske begraafplakken yn Fryslân

Ofbylden dy't by dit ûnderwerp hearre, binne te finen yn de kategory Category:Jewish cemetery, Oranjewoud fan Wikimedia Commons.