Jens Jørgensen Juel (Balslev op Funen; 12 maaie 1745 - Kopenhagen, 27 desimber 1802) wie in Deensk keunstskilder.

Jens Juel waard learling fan Johann Michael Gehrman yn Hamburch, gie dêrnei nei de Keninklike Deenske Keunstakademy yn Kopenhagen, dêr't er, nei in seisjierrich ferbliuw yn Itaalje en Switserlân, hofskilder, lid, dan professer en úteinlik direkteur waard.

Jens skildere karakteristyk opsette portretten yn noflik oandwaande kleuren, dêr't in hast libbensgrut ôfbyld fan de kopergraveur Clemens, Klopstock en Kristian VII fan Denemark ûnder binne. Fierders skildere er ek lânskippen en sjenrestikken.

Ta syn learlingen hearden de Dútske skilder Caspar David Friedrich (1794-98) en Philipp Otto Runge (1799-1801).

Jens Juel makke reizen nei:

• 1764 Hamburch
• 1765 Fún
• 1772 Itaalje
• 1772-1773 Hamburch
• 1774 Dresden
• 1774-1776 Rome
• 1776 Rome
• 1776 Parys
• 1777 Switserlân
• 1779 Kassel
• 1779 Hamburch

In kar:

• 
  Lânskip mei Noarderljocht (1790er jierren)
• 
  Lânskip by Öresund (1800)
• 
  Portret fan Belle van Zuylen
• 
  Caroline Mathilde fan Grut-Brittanje, Ierlân en Hannover (1751–1775)

Ofbylden dy't by dit ûnderwerp hearre, binne te finen yn de kategory Jens Juel fan Wikimedia Commons.