De Freulepartij 2005 dy't op 10 augustus 2005 yn Wommels spile is, wie de 101e edysje fan de wichtichste keatspartij foar jonges fan 14 oant 16 jier. It jongeskeatsen waard yn 2005 oerhearkse troch it partoer fan Makkum dat in jier earder de Freule wûn. Omdat winners fierder útsletten binne fan dielname waard der in iepen striid ferwachte, wêrby de partoeren fan Hartwert en Wommels yn 't foar tipt waarden as de grutte kânshawwers. Hartwert, mei Tjerck Floris Karsten as wichtichste man yn it partoer, sneuvele lykwols al op de 1e list tsjin Wjelsryp. It soe de dei fan de ferrassingen bliuwe, wêrby it partoer fan Holwert úteinlik oan it langste ein luts en foar it earste sûnt 1923 de Freule-krânsen mei nei de klaei namen.

De generale foar de Freule, dy't gewoanwei yn Frjentsjer op de snein foar de Freule hâlden wurdt, koe fanwege de minne kondysje fan it Sjûkelân net trochgean.