De flagge fan Hegebeintum is de flagge fan it doarp Hegebeintum, yn de Fryske gemeente Noardeast-Fryslân. De flagge waard yn 2018 registrearre.

De beskriuwing fan de flagge is:

Giel mei in grien trapezium, útgeande fan de broekside, de lytse basis op 1/3 flaggelingte, mei in hichte fan 1/2 flaggehichte; dêrop oanslutend in reade baan mei in lingte fan 1/3 flaggelingte, útrinnend fan 2/3 flaggelingte yn in punt oan it midden fan de flagge; oer it grien en read in geande giele liuw.

De kleuren komme út it wapen fan Hegebeintum.

• Trapezium: jout de terp dêr't de tsjerke op stiet oan, de heechste terp fan Nederlân.
• Reade baan mei punt: ferienfâldige werjefte fan de tsjerke fan Hegebeintum.
• Liuw: oernommen út it wapen fan de famylje De Skepper, eardere eigner fan Harstastate.

• 
  Wapen fan Hegebeintum
• 
  Flagge fan Ferwerderadiel
• 
  Flagge fan Noardeast-Fryslân