Dizze side moat noch by de tiid brocht wurde. Jo wurde útnûge om dêr in begjin mei te meitsjen

Chloë Grace Moretz (Atlanta, 10 febrewaris 1997) is in Amerikaanske jeugdaktrise dy't ûnder oaren yn 'e film Let Me In de rôl fan 'Abby' spile. Se wûn yn 2012 de People's Choice Award foar Favorite Movie Star Under 25. Dêrneist wûn se yn 2011 sawol in Empire Award foar bêste nijkommer (foar Kick-Ass en Let Me In) as in Saturn Award foar Let Me In en in Young Artist Award yn sawol 2011 (foar Diary of a Wimpy Kid) as 2012 (foar Hugo).

Chloë Moretz is hikke yn Atlanta, de haadstêd fan de Amerikaanke steat Georgia, en tein yn Cartersville yn de Bartow County. Heit, McCoy Lee Mortez, is plastysk sjirurch en mem, Teri Duke Moretz, is ferpleechkundige. Moretz hat fjouwer bruorren Brandon, Trevor, Colin en Ethan.

Doe't har broer Trevor Duke Moretz mei aktearjen út ein sette, krige Moretz ek niget oan yn aktearjen. Mortetz spile har earste rôl yn de telefyzjesearje The Guardian. Har debút as filmaktrise wie yn 2005 mei de rol fan 'Molly' yn Heart of the Beholder en hja die ek mei yn de horrorfilm The Amityville Horror. In jier hie hja in rôl yn de komeedzje Big Momma's House 2.

Op telefyzje hat se ûnderwilens noch inkelde gastrôllen. Sy wie te sjen yn ôfleveringen fan My Name Is Earl en Desperate Housewives.

Yn 2010 hat Moretz mei har rôl as 'Hit Girl' yn de aksjefilm Kick-Ass in ynternasjonaal súkses. Yn 2011 spile Chloë Moretz 'Isabelle' yn 'e film Hugo. Moretz hat ek in protte niget oan moade.^[1]

Ofbylden dy't by dit ûnderwerp hearre, binne te finen yn de kategory Chloë Moretz fan Wikimedia Commons.