Blaricum is in gemeente yn de Nederlânske provinsje Noard-Hollân, yn 'e lânstreek it Goai. It haadplak is Blaricum (plak). De gemeente, dy't yn 1817 ûntstie as in ôfspjalting fan it âldere Laren, hat 8.962 ynwenners (boarne: CBS) en in oerflak fan 15,59 km². Mei in trochsneed ûnreplik-goedwearde (WOZ-wearde) fan €539.000 wie de gemeente de op twa nei rykste fan Nederlân neffens it CBS yn 2007.
Yn de gemeente leit it streeksikehûs Goai-Noard (sûnt 15 oktober 2006 omdoopt yn 'Tergoaisikehuzen -- lokaasje Blaricum'. Troch dat sikehûs hat de gemeente in heech bertesifer (mei memmen út de omkriten), mar wol in konstant ynwennertal.