PROFILPELAJAR.COM

Iuwen:	15^e	16^e	17^e	18^e	19^e	20^e iuw	21^e	22^e	23^e	24^e	25^e
Jierren:	1973	1974	1975	1976	1977	1978	1979	1980	1981	1982	1983

Kalinders
Gregoriaanske kalinder	1978 MCMLXXVIII
Ab urbe condita	2731
Armeenske kalinder	1427 ԹՎ ՌՆԻԷ
Etiopyske kalinder	1970 – 1971
Hebriuwske kalinder	5738 – 5739
Hindoekalinders
- Vikram Samvat	2033 – 2034
- Shaka Samvat	1900 – 1901
- Kali Yuga	5079 – 5080
Iraanske kalinder	1356 – 1357
Islamityske kalinder	1398 – 1398
Juliaanske kalinder	Gregoriaansk min 13 dgn.
Sineeske kalinder	4674 – 4675 甲巳 – 乙午

1978 is in gewoan jier dat begjint mei in snein. (Gregoriaanske kalinder foar 1978.)

Dit jier makket ûnderdiel út fan it desennium fan 'e 1970-er jierren.

Foarfallen

1 jannewaris - Oan de ein fan 31 desimber 1977 (UTC 0) wurdt in skrikkelsekonde ynfoege.
16 maart - De Reade Brigaden ûntfiere de foaroansteande Italjaanske politikus Aldo Moro. Hy wurdt letter fermoarde weromfûn.
3 maaie - It earste spamberjocht wurdt ferstjoerd fia Arpanet, de foarrinder fan ynternet.
5 maart - De Nederlânske minister fan Definsje Roelof Kruisinga treedt ôf omdat er beswier hat tsjin de neutroanengranaat.
13 maart - Begjin fan de gizeling yn it provinsjehûs yn Assen troch trije Súd-Molukse jongeren; planolooch Ko de Groot wurdt deasketten.
14 maart - Leden fan de Bysûndere Bystâns Ienheid (BBE) meitsje in ein oan de gizeling. Deputearre J. Trip rekket ferwûne by de befrijingsaksje en sil in stikmannich wiken letter stjerre oan syn ferwûnings.
21 juny - De musical Evita giet yn Londen yn premiêre.
7 july - De Salomonseilannen wurde ûnôfhinklik fan it Feriene Keninkryk.
12 augustus - De Folksrepublyk Sina en Japan slute frede. Dat makket in ein oan 'e formeel noch altyd trochgeande Twadde Sineesk-Japanske Oarloch, dy't yn 1936 útbriek mei de Japanske ynfal yn Sina.
8 novimber - By protesten tsjin it bewâld fan 'e sjah wurdt yn 'e Iraanske haadstêd Teheran de steat fan belis útroppen. Fuort dêrnei iepenet it leger it fjoer op demonstranten dy't dat nijs noch net heard hawwe. Der falle hûnderten deaden.
17 septimber - De Egyptyske presidint Anwar Sadat en de Israelyske premier Menachem Begin berikke ûnder bemiddeling fan 'e Amerikaanske presidint Jimmy Carter it Akkoart fan Camp David.
28 septimber - Paus Jehannes Paulus I komt nei in pontifikaat fan 33 dagen te ferstjerren.
1 oktober - Tûvalû wurdt ûnôfhinklik fan it Feriene Keninkryk.
16 oktober - De Poalske kardinaal Karol Wojtyła wurdt paus ûnder de namme Jehannes Paulus II. Hy is de earste net-Italjaanske paus sûnt 1523.
30 oktober - Mei militêre stipe fan Lybje begjint de Ugandeeske diktator Idi Amin in oarloch tsjin buorlân Tanzania. Doel is om Tanzaniaansk grûngebiet te anneksearjen.
3 novimber - Dominika wurdt ûnôfhinklik fan it Feriene Keninkryk.
18 novimber - Yn Jonestown (Guyana) wurdt it Amerikaanske Kongreslid Leo Ryan fermoarde op befel fan sektelieder Jim Jones. Dyselde jout dêrnei al syn oanhingers befel om harsels tekoart te dwaan. Wa't net wol, wurdt twongen. Jones makket himsels ek fan kant. Mear as 900 minsken komme om by dizze Trageedzje fan Jonestown.
30 desimber - Nederlân wurdt yn 'e strange winter fan 1978-1979 troffen troch swiere sniestoarmen dy't in ferskuorrende gaos feroarsaakje. Benammen yn Fryslân, Grinslân en Drinte kinne opwaaide sniebdunen faak meters heech wurde, wylst it yn Súd-Nederlân tagelyk reint en snijt by tempertueren fan +10 °C, mar dêr giet it letter ek snijen. It gewoane libben wurdt ôfgryslik ûntwwrichte. Der folgje twa moannen mei tige wintersk waar wêrby't swiere sniefal en izel ôfwiksele wurdt troch perioades mei teiwaar en de diken glêd wurde kinne sadat it oant ein febrewaris ta faak net mooglik is om de dyk op te kinnen.